بەپێی تازەترین ڕێنمایی وەزارەتی دارایی حکومەتی هەرێم ژمارە ( ١٥٠/٤/٩ ) کە لە ( ٢٠١٦/١/١٣ ) دەرچووە و ئاراستەی وەزارەتی خوێندنی باڵا و توێژینەوەی زانستی کراوە، کە تایبەتە بە کرێی وانەوتنەوەی وانەبێژان لە سەرجەم زانکۆ و پەیمانگاکانی سەر بە وەزارەتی خوێندنی باڵا و توێژینەوەی زانستی ، لە ڕێنماییەکەدا هاتووە لە بەرواری ( ٢٠١٦/١/١٣ )وە کرێی وانەوتنەوەی وانەبێژان لە سەرجەم زانکۆ و پەیمانگاکانی سەر بە وەزارەت بەپێی ئەم خشتەیەی خوارەوە دەبێت و بەدەر لەوە کار بە هیچ ڕێنمایی و نوسراوێکی تر ناکرێت .
| ژ | ناونیشانی زانستی | کرێی وانەبێژی/دینار |
| ١- | پرۆفیسۆر | ٦،٥٠٠ |
| ٢- | پرۆفیسۆری یاریدەدەر | ٥،٥٠٠ |
| ٣- | مامۆستا | ٤،٥٠٠ |
| ٤- | مامۆستای یاریدەدەر | ٣،٥٠٠ |
| ٥- | هەڵگرانی بڕوانامەی دبلۆمی باڵا "دوو ساڵە" | ٣٠٠٠ |
| ٦- | هەڵگرانی بڕوانامەی دبلۆمی باڵا "یەک ساڵە" | ٢،٥٠٠ |
| ٧- | هەڵگرانی بڕوانامەی بەکالۆریۆس | ٢،٥٠٠ |
| ٨- | هەڵگرانی بڕوانامەی دبلۆم "پەیمانگا" | ٢٠٠٠ |
