ئەمڕۆ سێ شەممە ٢ی نیسانی ٢٠١٩، بەڕێوەبەرایەتی سەنتەری توێژینەوە لە زانکۆی ڕاپەڕین، لە هۆڵی چالاکییەکانی کۆلێژی زانست سیمپۆزیۆمی توێژینەوە نایابەکانی ڕێکخست.
بە ئامادەبوونی بەڕێز (پ.ی.د. موفق خالد ابراهیم) سەرۆکی زانکۆ و ئەندامانی ئەنجومەنی زانکۆ و بەڕێوەبەری بەڕێوەبەرایەتی سەنتەری توێژینەوە و ژمارەیەک لە مامۆستایان و و فەرمانبەرانی زانکۆ، سیمپۆزیۆمێک بۆ توێژینەوە نایابەکان لەسەر ئاستی زانکۆی راپەڕین بەڕێوەچوو.
لە دەستپێکی سیمپۆزیۆمەکەدا د. بەهزاد وسو حمەد بەڕێوەبەری بەڕێوەبەرایەتی سەنتەری توێژینەوە وتەیەکی پێشکەشکرد: تیایدا ئامانجی ڕێکخستنی سیمپۆزیۆمەکەی بۆ ئامادەبووان خستەڕوو، وتیشی: مەبەستمانە گرنگی زیاتر بە توێژینەوەکانی توێژەرانی زانکۆی ڕاپەڕین بدەین، هەروەک سازدانی ئەم جۆرە چالاکیانە هەنگاوێکە بۆ هاندانی زیاتری توێژەرانی زانکۆ بۆ ئەوەی توێژینەوەی باشتر و سەردەمیانە ئەنجام بدەن، جەختیشیکردەوە لە داهاتوودا بەردەوام دەبن لە هاندانی توێژران لە پێناو ئەنجامدانی توێژینەوەی کاریگەر و پڕ بایەخ و بۆ بەرەو پێشبردنی ئاستی زانستی زانکۆ .
لە سیمۆزیۆمەکەدا پێنج توێژینەوەی هەڵبژێردراو لە پێنج پسپۆڕی جیاواز لەلایەن هەریەک لە توێژەران ( پ.ی.د. امیر امیری/نانۆتکنۆلۆجی ، د. ئارام محمد رسول/ کۆمپیوتەر ، د.محمد اصلان پور/ باخداری ، م. بنار محمود ابراهیم / کیمیای شیکاری ، م. قارەمان محمد حسن / یاسا ) پێشکەشی ئامادەبووانی سیمپۆزیۆمەکە کرا.
