ئاگاداری ئەو بەشداربووانە دەکەینەوە کە ٢٦ی ٩ی ٢٠١٨ لە سێنتەری زمانی زانکۆی ڕاپەڕین تاقیکردنەوەی دیاریکردنی ئاستیان کردووە، کەوا ڕۆژی شەممە ڕێکەوتی ٥ی ١ی ٢٠١٩ کۆرسەکان لە سێنتەرمان دەست پێدەکەن و پێویستە کاتژمێر١:٣٠ی پاشنیوەڕۆ لە سێنتەرەکەمان ئامادەبن بە مەبەستی وانە خوێندن. هەروەک ئاگاداری ئەو بەڕێزانەش دەکەینەوە کە تا ئێستا نەهاتوون کرێی کۆرس و کتێب وەربگرن، لە هەمان ڕۆژ بە کاتژمێرێک زووتر واتە ١٢:٣٠ی پاشنیوەڕۆ لە سێنتەرمان ئامادەبن بۆ ڕایی کردنی کارەکانیان بۆ ئەوەی کاریگەری نەبێت لە بەڕێوەچوونی وانەکانی کۆرسەکە لەو ڕۆژەدا.
ڕێنماییەکانی کۆرسەکان بەم شێوەیەی خوارەوە دەبێت:
١- کۆرسەکان لە ڕۆژانی شەممە و یەکشەممە و دوو شەممە بەڕێوەدەچن.
٢- ڕۆژانە چوار کاتژمێر وانە دەخوێندرێت و لە ٢ی پاشنیوەڕۆ تا ٦ی ئێوارە.
٣- شوێنی وانەکان هۆڵەکانی سێنتەری زمان دەبێت لە بینای کۆلێژی بنەڕەت لە نهۆمی سێیەم.
٤- هەر بەشداربوویەک پێویستە ناوی خۆی لەسەر لیستی هەڵواسراو لەسەر دەرگای هۆڵەکان بدۆزێتەوە و لە ئەگەری نەبوونی ناوی ستافی سێنتەر ئاگاداربکاتەوە.
٥- سێنتەری زمان پابەندە بە ڕێنماییەکانی فرمانی وزاری ژمارە ١٩١٩ی ڕێکەوتی ١٢\١٢\٢٠١٨ی وەزارەتی خوێندنی باڵا تایبەت بە کۆرسی زمان بۆ کاندیدانی ماستەر و دکتۆر و خوازریارانی نازناوی زانستی.
سێنتەری پەرەپێدان و زمان