سەرۆكایەتی زانكۆی راپەڕین، بەبۆنەی هاتنی جەژنی پیرۆزی قوربانەوە، پەیامی پیرۆزبایی ئاراستەی سەرجەم موسڵمانانی جیهان و كوردستانیانی خۆشەویست و مامۆستایان و خوێندكاران و فەرمانبەرانی زانكۆی راپەڕین دەكات.
بەڕێز (پ.ی. د. موفق خالد ابراهیم) سەرۆكی زانكۆی راپەڕین لە پەیامێكی پیرۆزباییدا بەبۆنەی جەژنی پیرۆزی قوربانەوە، پیرۆزبایی ئاراستەی سەرجەم موسڵمانانی و جیهان بەگشتی و موسڵمانانی كوردستان بەتایبەتی دەكات، هەروەك پیرۆزباییەكی گەرم ئاراستەی برا پێشمەرگەكان و خانەوادەی سەربەرزی شەهیدان دەكات.
دەقی پەیامی پیرۆزبایی سەرۆكی زانكۆی ڕاپەڕین
بەناوی خودای بەخشندە، بەبۆنەی هاتنی جەژنی پیرۆزی قوربانەوە، پیرۆزباییەكی گەرم ئاراستەی سەرجەم مامۆستایان و خوێندكاران و فەرمانبەرانی زانكۆی راپەڕین دەكەم، هەروەها پیرۆزبایی جەژنی قوربان، ئاراستەی موسڵمانانی كوردستان و موسڵمانانی جیهان بەگشتی دەكەم، بەتایبەتی لە برا پێشمەرگەكان و كەسوكاری سەربەرزی شەهیدان دەكەم. ئومێدەوارم، ئەم جەژنە، ببێتە هەوێنی ئاشتی و سەقامگیری زیاتر لەكوردستاندا.
پ.ی.د. موفق خالد ابراهیم
سەرۆكی زانكۆی ڕاپەڕین